როგორც მოგეხსენებათ, დღეს ლიონელ მესიმ მადრიდის "რეალთან" დაპირისპირებაში გოლის გატანა მოახერხა, რაც მისთვის მადრიდელთა კარში მე-18 გოლი აღმოჩნდა. ამ მაჩვენებლით ის თავის არგენტინელ წინამორბედს, ალფრედო დი სტეფანოს გაუთანაბრდა.
მესიმ "ელ კლასიკოში" "ბლანკოსის" კარის 18-ჯერ დალაშქვრა 22 ჩატარებულ შეხვედრაში მოახერხა, მაშინ, როდესაც დი სტეფანოს იგივე მაჩვენებელი 30 შეხვედრაში აქვს.
ამ 18 გოლიდან ლეომ 11 ლა ლიგაში გაიტანა, 5 - ესპანეთის სუპერთასზე და 2 ჩემპიონთა ლიგაზე. აღსანიშნაია ის ფაქტი, რომ "კოპა დელ რეის" გათამაშებაში მესის "რეალის" კარები არ დაულაშქრავს. აქვე გეტყვით იმას, რომ არგენტინელმა 14 გოლი სათამაშო ეპიზოდში გაიტანა - 12 მარცხენა ფეხით, ხოლო 2 - მარჯვენათი; 2 - პენალტით და ასევე 2 ჯარიმით
ინგლისური გამოცემა The Sun იუწყება, რომ კრიშტიანუ რონალდუ მზადაა მანჩესტერ იუნაიტედთან ხელშეკრულება გააფორმოს.
მას იმდენად არ სურს იუნაიტედის გარდა სხვა კლუბში გადასვლა, რომ მზადაა ხელფასის ნახევარი მოითხოვოს.
სერ ალექს ფერგიუსონი მთელი წლის მანძილზე აღნიშნავს რონალდუს საოცარ თამაშს და ამბობს, რომ ის 32-33 წლამდე ფორმის პიკში იქნება.
იგი მუდმივად აღნიშნავს, რომ რონალდუ მისი ყველა დროის ერთ-ერთი საუკეთესო ფეხბურთელია.
როგორც ინგლისური წყარო იუწყება, კრიშტიანუს სპონსორი "ნაიკი", რომელიც ამავდროულად მანჩესტერ იუნაიტედის სპონსორიც გახლავთ, მზადაა ამ ტრანსფერში მონაწილეობა მიიღოს და თავის მხრივ ინგლისურ გრანდს ამოუდგეს მხარში.
თუმცა პორტუგლაიელისთვის ბრძოლაში "ყველაფრის მყიდველი" პსჟ-ც არის ჩართული.