ინგლისური გამოცემა The Sun იუწყება, რომ კრიშტიანუ რონალდუ მზადაა მანჩესტერ იუნაიტედთან ხელშეკრულება გააფორმოს.
მას იმდენად არ სურს იუნაიტედის გარდა სხვა კლუბში გადასვლა, რომ მზადაა ხელფასის ნახევარი მოითხოვოს.
სერ ალექს ფერგიუსონი მთელი წლის მანძილზე აღნიშნავს რონალდუს საოცარ თამაშს და ამბობს, რომ ის 32-33 წლამდე ფორმის პიკში იქნება.
იგი მუდმივად აღნიშნავს, რომ რონალდუ მისი ყველა დროის ერთ-ერთი საუკეთესო ფეხბურთელია.
როგორც ინგლისური წყარო იუწყება, კრიშტიანუს სპონსორი "ნაიკი", რომელიც ამავდროულად მანჩესტერ იუნაიტედის სპონსორიც გახლავთ, მზადაა ამ ტრანსფერში მონაწილეობა მიიღოს და თავის მხრივ ინგლისურ გრანდს ამოუდგეს მხარში.
თუმცა პორტუგლაიელისთვის ბრძოლაში "ყველაფრის მყიდველი" პსჟ-ც არის ჩართული.
ფრანგული კლუბი რონალდუს სანაცვლოდ პერესს 130 მილიონ ევროს სთავაზობს.
შეგახსენებთ, რომ 2009 წელს კრიშტიანუ მადრიდს 80 მილიონ ფუნტად შეუერთდა.
